[x]
[x]
الرئيسيةثقافةقصيدة العنيد العتيد

قصيدة العنيد العتيد

الأكثر قراءة

قد يعجبك ايضا

آه وآه وآه

من قسوة الحياة

تروس داخلة ف تروس

بتدوس علشان تدور

وتدور علشان تدوس

ولكل ترس دور

بيأدِّى فيه الطقوس

السن من فولاذ

واحمى من أحمى موس

ومخنا الإزاز

منبِّت ريش طاووس

يصبح بودرة وطحين

وبدمِّنا.. عجين

اللى مخمَّر بسوس

نفوس نفوس نفوس

أبدان من بَلالين

تتعامل بِلا لين

وتنتهى بدبُّوس

طاحونة الحياة

شفرة تقطَّع هوا

يا طالب النجاة

الموت هو الدوا

يا طاقِش الكؤوس

الخمرة دمِّنا

واللى متبِّت عليه

إزازه جسمنا

يا غاوى السلطنة

اسمعنى ما تقاوحش

فى الخمرة سرطنة

لا يوم هتبقى وحش

ولا تحصَّل ناموس

محفل تحت التروس

تتساوى فيه الرءوس

بَعْبَع لكن لمين؟

بين التروس سجين

بُعْبُع ناصح أمين

وخازن الفردوس

تيوس تيوس تيوس

بتنطح قرنها

وكل نطحة جحر

بيفتح قبرها

لكن جثتها فين؟

بقت هِرْى وفُتات

ونجيبها طاب منين؟

ادخل بين التروس

ولملم الرُّفات

وحاذر مكرها

لا تبقى زيها

يا خسارة الوقت فات

هتموت زى اللى مات

وتموت عبد السُّكات

ومطاوع أمرها

تروس تروس تروس

بتدقّ لنا الناقوس

دا كاس داير علينا

مهما يبعد تجينا

وفاتح بقُّه لينا

أنياب صفوف صفوف

بتزقّ ف بعضها

وبتفرم فى الألوف

يا لعنة عضَّها

الأخبار المتعلقة

المصدرعاطف صبيح